ردار فى الطريق الصحراوى القاهرة - اسكندرية لايرى الا الميكروباصات

امس كنت راجع من القاهرة بعد زيارة عمل استغرقت ساعات قليلة لعالم وكالة البلح الاسطورى

المهم انا اول مرة اسوق على الطريق الصحراوى وبما انى ملتزم ومتعود على الالتزام من حياتى فى الخليج

فمشيت على 100 كم/ ساعة ويمكن كمان ااقل شوية حرصا على حياتى وحياة الاخرين وبعد خروجى من

اسكندرية بشوية الفجر اكتشفت انى تقريبا الوحيد اللى ماشى ملتزم فى الطريق والكل بيعدى منى

يمين وشمال بسرعات جنونية اغاظتنى وحسستنى بانى غريب فى بلاد الغرائب ومن اغرب الغرائب ان

سيارات النقل التقيل محتكرة الشمال وبتشد معايا فوق ال 100 كم بكتير وكان فى سيارتين نقل يظهر ان

السواقين اصدقاء ماشين قصاد بعض مش سايبين فرصة لحد يعدى وتقريبا بيجكوا فى موضوع مهم واحد

منهم اقصى اليمين والثانى اقصى اليسار والوسط بقى ساحة صراع للدخول للاخوة اصحاب السرعات

الجنونية 140 وطالع وكدت ان اقتل والله بسبب غرزة من شاب تافه سايق لانوس بيحسبها تقريبا bmw z4

ولم يظهر اى ردار تقريبا فى الطريق لكن حسيت انهم كلهم هدوا السرعة فى مرحلة معينة

وتكافل الجميع فى تنبيه بعض وبعدها بشوية بدء الفورميولا 1 بين بى ام دبليو ومرسيدس بيشدوا مع

بعض عملونى سندوتش الله يسامحهم وطاروا على جانبى سيارتى الفيليشيا المسكينة اللى كنت باجاهد

عشان الجمها لانها خدتها مسألة كرامة وكانت عايزة تشد معاهم وتثبت لهم انها برضوا المانى وبموتور الومنيوم

خفيف ممكن يسبقهم كمان ....... لكن طارى بقى رجع لى على ايد صديقى اللى ماشى جنبى على

سرعة 100 ومتأفف عايز يطير وما صدق لمح الاتنين بيمروا كالسهم وطار برينو 5 قديمة بس رهيبة وشد

ومد وفاق الحد وغاب عن الابصار ولقيته فى الرست مستنى وقالى ما تخافش يا صاحبى خدت بطارك !!!!!

مش عارف طار ايه وفى ايه بيحصل على الصحراوى الناس اتجنت بعربياتها ولا كتر لعب نيد فور اسبيد

جننهم اتقوا الله يا ناس يا اللى ما عندكوش احساس دى اروح ناس

وفى رحلة العودة نفس الشىء وظهرت قوافل الميكروباص التويوتا الجديد طيارات ماشية وكنت الوحيد

المتأخر والكل سرعته فوق 120 و 140 وشوفت كمين ردار اخيرا مستخبى بين الشجر فى النوبارية كنت

على 90 وقلت اكيد هالاقى مذبحة مخالفات عند الطرف الاخر للكمين وصعب عليا الناس برضوا حنيت

ولكن عند الوصول للبوابة ونهاية الكمين وقفت طابور ولاحظت ان كل اللى اتمسكوا ميكروباصات ولا بى ام

ولا مرسيدس ولا اوكتافيا ولالالالا؟؟؟؟؟؟؟؟؟؟؟؟؟ !!!!!!!1 وما عرفتش السبب لو حد يعرف ؟؟؟ ياريت يفيدنى

اقولك بيخافوا يجى جب العربيات البى ام والمرسيدس لاحسن يكون واحد مهم ويطلع عنيهم لكن لو عربيه غلبانة هيطلعوا عنيه

انا اصلا شاكك ان دي لجنه رادار
لأن الميكروباصات علي الطريق ده ما بتتمسكش رادار

اقتباس:

---

المشاركة الأصلية كتبت بواسطة alisleman

اقولك بيخافوا يجى جب العربيات البى ام والمرسيدس لاحسن يكون واحد مهم ويطلع عنيهم لكن لو عربيه غلبانة هيطلعوا عنيه

---

عارف حضرتك لو فى عدالة وضمير كان 80 % من اللى سايقين امبارح اتاخدو ردار ولو جابونى شاهد هاشهد الحق على كل اللى شوفتهم بما فيهم صاحبى

اقتباس:

---

المشاركة الأصلية كتبت بواسطة hema_lancer

انا اصلا شاكك ان دي لجنه رادار
لأن الميكروباصات علي الطريق ده ما بتتمسكش رادار

---

بالعكس ان اعتقد انها كانت لجنة خاصة ليهم بس لان الميكروباصات فى الصيف بتزودها شوية عشان اكل العيش بقى

اقتباس:

---

المشاركة الأصلية كتبت بواسطة zyadahmed

بالعكس ان اعتقد انها كانت لجنة خاصة ليهم بس لان الميكروباصات فى الصيف بتزودها شوية عشان اكل العيش بقى

---

وعلشان كده بيدفعوا للحكومه علشان يعدو
زي فيلم سلام ياصاحبي
شخلل علشان تعدي :3mla:

دى تلقيها لجنة عادية مش رادار وبيتسلوا على بتوع النقل و الميكروباص ويسيبوا الملاكى شوفتها كثير

باشا فاكر نكتة البي ام و المرسيدس و التمانية و عشرين

هات لي ابن ال ...... ال 28 ده اللي بيشد معاهم :)

هو المرور كده

اذا سرق الضعيف قطعوه

الكمين بتاع الرادار بيبعد الرادار حوالي 500 متر علي الاكثر علشان اللاسلطي اللبي بيستخدموه ماداه قصير فحضرتك بتقول الردار كان في النوباريه و الكمين عند البوابات فصعب اوي اوي اوي يكون بتاع الرادار
و بعدين الكمين بتاع البوابات دا كده كده بيمسك نص نقل و ميكروباص تفتيش رخص عليهم
الرادار اللي حضرتك شفته تصوير و بيروح علي ملف العربيه علطول

بلد مش محترمة

لا دى اكيد مجرد لجنة مش كمين رادار

اقتباس:

---

المشاركة الأصلية كتبت بواسطة walidadel

الكمين بتاع الرادار بيبعد الرادار حوالي 500 متر علي الاكثر علشان اللاسلطي اللبي بيستخدموه ماداه قصير فحضرتك بتقول الردار كان في النوباريه و الكمين عند البوابات فصعب اوي اوي اوي يكون بتاع الرادار
و بعدين الكمين بتاع البوابات دا كده كده بيمسك نص نقل و ميكروباص تفتيش رخص عليهم
الرادار اللي حضرتك شفته تصوير و بيروح علي ملف العربيه علطول

---

هو موضوع التصوير اللي بيروح على ملف العربية دة اتطبق
اصل انا لحد دلوقتي مشفتش حد جالة مخالفة رادار و هو بيدفع المخالفات

اقتباس:

---

المشاركة الأصلية كتبت بواسطة nour87

هو موضوع التصوير اللي بيروح على ملف العربية دة اتطبق
اصل انا لحد دلوقتي مشفتش حد جالة مخالفة رادار و هو بيدفع المخالفات

---

يااااه انا جالي اتنين من ثلاث سنين كده

اقتباس:

---

المشاركة الأصلية كتبت بواسطة walidadel

الكمين بتاع الرادار بيبعد الرادار حوالي 500 متر علي الاكثر علشان اللاسلطي اللبي بيستخدموه ماداه قصير فحضرتك بتقول الردار كان في النوباريه و الكمين عند البوابات فصعب اوي اوي اوي يكون بتاع الرادار
و بعدين الكمين بتاع البوابات دا كده كده بيمسك نص نقل و ميكروباص تفتيش رخص عليهم
الرادار اللي حضرتك شفته تصوير و بيروح علي ملف العربيه علطول

---

جايز لكن على فرض انها لجنة طيب الناس اللى متأكد انى شوفتهم بيصورا وعاملين الطرف الاول من الكمين فين الطرف الثانى من الكمين لو اللى عند البوابة دى لجنة
وكمان انا مش واثق قوى من المسافة بين الطرفين لانى مش حافظ الطريق قوى لكن هى مش كبيرة قوى وممكن تكون بعد النوبارية بكتير وانا اختلط عليا
كما ان الضباط فى الطرف الثانى بعد البوابة كام معاهم ورقة فيها ارقام تقريبا وبيبصوا على ارقام العربيات وعلى اساسها يقوله اركن وما فيش ملاكى لمحته فى الراكنين كله ميكروباص ( يمكن لجنة متخصصة )

معتقدش ان عفاريت الاسفلت ينفع يتمسكوا رادار ابدا ابدا
دول عاملين شبكة معلومات وعندهم غرفة عمليات واخر حلاوة
مستحيل ردار يمسكهم
واقصي حاجة لاحسن رادار فيكي يا مصر يوقعله عربية او 2 بالكتير اوي وبعد كده خلاص

دي اكيد لجنة مباحث

ده اكيد مش رادار طبعا موسم الصيف وتلاقي ميكروباصات سوهاج والصعيد والمحافظات شغالة لاسكندرية والساحل ومطروح بصرف النظر عن تصريح خط السير اللي بيكون معاهم ففرصة يلموا منهم شوية سرر من الدنانير لمن ليس معه تصريح بخط سير بالاضافة لسواقيين النقل اصحاب المزاج اللي معاهم مكيفات وكحوليات ويحاولوا من خلال اللجان ضبط المنحرفيين وتادية واجبهم ....
الصحراوي بليل فعلا اكتر من النيد فور سبييد ممكن تكون ماشي مثلا 150 وتلاقي شاهين او لانوس وخلافه بينطلق من جنبك ومتشوفش الا الهواء بتاعه وفعلا تلاقي الصراعات الماني مع الماني او كوري او ماليزي مع ياباني وهاروح بعيد ليه الباشا اخوي امبارح الجمعة راجع من اسكندرية في ساعة ونص من الساحل للتجمع الخامس انا ذهلت طبعا والساعة كانت 12 ظهرا والباشا ماشي 195 وبيشد وسخنان مع شارك وطبعا ده فبل الصلاة ومهمهوش الردار وخلافه وبصراحة كان نفسي اكله اجواز اقلام لكن اللي همه انه ظبط الشارك والجو طبعا حر وقلتله مخوفتش من كاوتش يضرب لا قدر الله لكن لا حياه لمن تنادي بجد ربنا يسترها

اقتباس:

---

ومد وفاق الحد وغاب عن الابصار ولقيته فى الرست مستنى وقالى ما تخافش يا صاحبى خدت بطارك !!!!!

مش عارف طار

---

اقتباس:

---

والباشا ماشي 195 وبيشد وسخنان مع شارك وطبعا ده فبل الصلاة ومهمهوش الردار وخلافه وبصراحة كان نفسي اكله اجواز اقلام لكن اللي همه انه ظبط الشارك

---

هو احنا كلنا لازم نفوز فى سباقات الشد والغرز مافيش مره واحده شوفت واحد قال اتظبط او صاحبى اتظبط او قريبى اتظبت مافيش مره واحد كده ممكن تفلت مننا يعنى مثلا رينو مع بى ام ومرسيدس ومره سيراتو مع شارك
فكرتونى بالاعلان بتاع التهامى باشا ووديع طيب ليه نخسر واحنا فى ايدينا نكسب

فى الاخر انا بهرج والله كمان مش بشكك فى كلام حد بس بالله عليكم خلوا بالكوا من الطريق والسرعه

مفيش رادار من 8 مساء لحد 7 الصبح

صبرا جميلا
.
حييجي يوم و ييجي المرور دكر يمشي الناس كلها علي العجين ماتلخبطوش

بغض النظر في رادار ولا لأ !! في ناس كتير فاهمين الرادار غلط انه عشان ينغص عليهم عيشيتهم والمرور يكدروا بيه الناس
السبت الصبح بدري اوي 6.30 الصبح طول الطريق حوادث حصلت والعربيات مرمية في الصحراء او لسة حاصلة والجثث مرمية على الطريق وكان في بي ام الفئة الخامسة مدشدشة وداخلة في السور على الشمال وصاحبها واقف جنبيها وشه غرقان دم دا اكتر منظر صعب علي هو ومنظر بعض ركاب الميكروباص المتغطيين على الأرض وبركة الدم حواليهم
طب انا رايح اتفسح وحاجة بسيطة اوي زي اني أكون ماشي على سرعة عالية وملحقشي اتصرف وفي ثانية الموضوع يقلب بعربية اتدمرت واتهتك عرضها وواحد يترمي في المستشفى مكسر ولا واحد صاحبي معايا في العربية يموت ولا ولا ولا .. .....
الحذر لايمنع القدر لكن البني آدم بيعمل اللي عليه والباقي على ربنا
وافتكر لو واحد ماشي على 90 او 100كم/ساعة فرصة تفادي حادثة بالنسبة له اعلى بكتير لو ماشي 160 مثلاً واللي ينزل الحرفيين يلااقي البي امات والشبح والعيون خلصانة ومحتاجة عربية من اول وجديد واكيد اللي راكبها برضة محتاج بني آدم من أول وجديد اذا كان لسة عايش يعني الفكرة مش عربية امكانياتها عالية او عربية مافيهاش اي امكانيات الفكرة شوارع بايظة ومش متخططة واذا اتخططت الناس مش بتلتزم بالحارات ومافيش اشارات مرورية ومافيش شارع ممكن تمشي فيه عدل من غير ماتلبس بلاعة او . حفرة او اي نوع من انواع العوائق الاخرى غير كدة أغلب اللي سايقين جيالهم الرخص عالبيت او راحوا طلعوها بواسطة وكل واحد بيسوق من وجهة نظره الشخصية وطبقا لقواعد هو عاملها لنفسه او حد معلمها له او هو فاهمها غلط
كل الظروف دي بتخليني امشي على الصحراوي او اي طريق سريع على 100 او 110 بالكتير اوي وجوة البلد 60 واقعد افادي واحاسب من كل اللي الفهلوية
والموقف بتاعك دا غالباً لجنة فعلا للكشف على رخص السواقين ومش لجنة رادار
ولو قصدك اللجنة اللي بعد كارتة اسكندرية دول انا بحس بقلق وانا داخل عليهم عشان مرة كنت رايح فطار في اسكندريةوالوقت كان قبل المغرب بحوالي ساعة كدة فالأمين بعد ماشاف الرخص قاللي ماشي بسرعة ليه ؟ انا كنت في أول الطريق جريت شوية ولما لقيته اتزحم مزودتش تاني وفضلت على 100 بالظبط طول الطريق فانا برضة اتوقعت ان الرادار كان واقف في أول الصحراوي بعد كارتة القاهرة وقلتله عايزين نلحق المغرب في اسكندرية
المهم كان جنبي واحد صاحبي قاللي دا بيشتغلنا وفعلا سألته كنت ماشي على كام ( بضحكة وغمزة خبيثة تعني انا هظبطك بس رجعلي الخصة فقاللي طب اركن هناك !!وشاور بايده بعيد عن الظباط في آخر اللجنة وخدت رخصي ومشيت ومركنتلوش ومحدش حاول يعترضني او يوقفني وجددت الرخصة مرتين ملقيتشي المخالفة اتاري أمين الشرطة كان بيشتغلني فعلاً وعملها في صاحبي قبل كدة وكانت هتدخل علي انا قلت اقولكم برضة تاخدوا بالكم من الحركة وآسف على الاطالة

اقتباس:

---

المشاركة الأصلية كتبت بواسطة hegazio

صبرا جميلا
.
حييجي يوم و ييجي المرور دكر يمشي الناس كلها علي العجين ماتلخبطوش

---

ربنا يحيينا ويحيك ويدينا ويديك طوله العمر

دى مش لجنه رادار دى لجنه امن دول ومباحث وبيفتشوا الميكروباصات